Kaowao နိုဝင်ဘာ ၁၃ ၂၀၀၇
ထိုင်းနိုင်ငံအတွင်းသို့ အလုပ်လုပ်ကိုင်နေကြသော နိုင်ငံခြားသားအလုပ်သမားများ၏ဘာသာရေးဆိုင်ရာ ရိုးရာပွဲလမ်းသဘင်ကျင်းပခွင့်ကိုပါ မဟာချဲာဒေသတွင် ထိုင်းအစိုးရက တားမြစ်ပိတ်ပင်လိုက်ကြောင်း သိရသည်။
| 
| နိုဝင်ဘာ(၁၂) မနေ့က ဖမ်းဆီးခံရသော မြန်မာအလုပ်သမား များ (ပုံ -တာနေရှင်း သတင်းစာ) |
ဘန်ကောက်မြို့ အနီး မဟာချဲာ ခေါ် စမွတ်စခွန်စရိုင်ရှိ ရေလုပ်ငန်းများတွင် အလုပ်လုပ်ကိုင်နေကြသူများကို ဘာသာရေးဆိုင်းရာပွဲလမ်းသဘင်ကျင်းပခွင့်အပါအဝင်၊ မည်သည့်ရိုးရာစာပေ၊ ယဉ်ကျေးမှုပွဲတော် အထိမ်း အမှတ်မျိုးမှ ကျင်းပခွင့်ပေးတော့မည်မဟုတ်ကြောင်း ကြေငြာချက်ကို လွန်ခဲ့သောအောက်တိုဘာလ (၂၆)ရက်နေ့စွဲဖြင့် စမွတ်ခခွန်ခရိုင်မှူးး နိုင်ဝ႘ရယွတ် အီယမ်အမ်ပါ က လက်မှတ်ထိုးထုတ်ပြန်ထားသည်။
နိုင်ငံခြားသားအလုပ်သမားသိန်းချီတို့ကြောင့် နောက်ဆွဲတွဲပြဿနာ အကျိုးဆက်များ ဖြစ်သောကျန်းမာရေးပြဿနာ၊ နိုင်ငံမဲ့ကလေးပြဿနာများ၊ ဒုစရိုက်မှုခင်းများ၊ ဥပဒေချိုးဖောက်မှုများအပြင် ယခုနောက်ဆုံးရိုးရာယဉ်ကျေးမှုပွဲတော်များကိုလည်း ကျင်းပပြုလုပ်နေကြသည်မှာ နိုင်ငံတော်တည်ငြိမ်ရေး နှင့် ခေတ္တနေထိုင်လုပ်ကိုင်ခွင့်ပေးထားသောရည်ရွယ်ချက်တို့ကိုပါ ထိခိုက်စေသည်ဟု မြန်မာအလုပ်သမားများအား ကြောငြာချက်ထဲတွင် စွပ်စွဲထားသည်။
ထို့ကြောင့် အလုပ်ရှင်များအနေနှင့်လည်း မိမိတာဝန်ယူထားသောနိုင်ငံခြားအလုပ်သမားများ၏ အပြုအမူများကို ဥပဒေနှင့်အညီ တင်းကျပ်စွာ ကိုင်တွယ်ကြရန်၊ ကျူးလွန်ဖောက်ဖျက်လာပါက ဥပဒေအရ ပြတ်သားစွာ အရေးယူခြင်းခံရမည်ဖြစ်ကြောင်း နှင့် ဘာသာရေးဆိုင်ရာ ရိုးရာပွဲလမ်းသဘင်များကို ကျင်းသခွင့်ပေးတော့မည်မဟုတ်ကြောင်း စက်ရုံ၊ အလုပ်ရုံများတွင်လည်းကောင်း၊ နေရီနာ(www.naewna.com)အင်တာနက်စာမျက်နှာတွင်လည်းကောင်း ရေးသားထားသည်။
ထိုင်းနိုင်ငံရှိ အစိုးရမဟုတ်သောအဖွဲ့အစည်းများက ယခုပိတ်ပင်လိုက်သည့်ကိစ္စကို ထိုင်းအစိုးရအနေဖြင့် ပြန်လည်သုံးသပ်ပေးရန် ယခုလ(၁၉)ရက်နေ့တွင် နိုင်ငံခြားသားအလုပ်သမားများ၏စာပေနှင့်ယဉ်ကျေးမှုဆိုင်ရာအခြေခံအခွင့်အရေးများအတွက် ထိုင်းအလုပ်သမားရေးရာအရာရှိများနှင့်ဆွေးနွေးပွဲပြုလုပ်ရန်ရှိကြောင်း စမွန်စခွန်မှ အလုပ်သမားအရေးကူညီနေသူတစ်ဦး ပြောသည်။ “အခုလို နိုင်ငံခြားသားအလုပ်သမားများရဲ့ကိုယ်ပိုင်စာပေ နဲ့ ယဉ်ကျေးမှုဆိုင်ရာအခြေခံအကျဆုံး အခွင့်အရေးတွေကိုတောင် ထိုင်းအစိုးရက တားမြစ်ပိတ်ပင်လာတာကို အစိုးရမဟုတ်တဲ့အဖွဲ့အစည်းတွေက ထိုင်းအစိုးရကို ပြန်လည်တရားစွဲဖို့ အခုပြင်ဆင်နေတယ်၊ ဒီလ(၁၉)ရက်နေ့ကျရင် ဘန်ကောက်မှာ ထိုင်းအစိုးရနဲ့ဆွေးနွေးဖို့လဲ ရှိတယ်” ထိုသူက ပြောသည်။
ဘာသာရေး ဆိုင်ရာပွဲလမ်းများကိုလည်း ကန့်သတ်လာခြင်း၊ ကျင်းပခွင့်မပေးခြင်းအပေါ် ဘန်ကောက်အခြေစိုက် မွန်လူငယ်အစည်းအရုံး(ထိုင်နိုင်ငံ) ဥက္ကဌ နိုင်အောင်ဘန်ချွန်က မြန်မာနိုင်ငံသားများကို ဖိနှိပ်ခြင်းပင်ဖြစ်ကြောင်း နှင့် ယခုလိုလူမျိုးရေးခွဲခြားဆက်ဆံခြင်းကို ပြန်လည်သုံးသပ်ပေးရန် နိုဝင်ဘာ(၁၁)ရက်နေ့က တာနေရှင်း သတင်းစာတွင် တောင်းဆိုလိုက်သည်။
စမွန်စခွန်ခရိုင်တွင် မြန်မာနိုင်ငံသားအလုပ်သမားဦရေ၏(၇၅)ရာခိုင်နှုန်းကျော်မှာ မြန်မာနိုင်ငံတောင်ပိုင်းမှ မွန်လူမျိုးများ ဖြစ်ကြကြောင်း မွန်အဖွဲ့အစည်းများက ယုံကြည်ကြသည်။
နိုဝင်ဘာ(၁၂) မနေ့က ထိုင်းရဲများက မဟာချဲာအရပ်ရှိ မြန်မာအလုပ်သမားအယောက်(၈၀၀)နီးပါးကို အလုပ်လုပ်ခွင့်မှတ်ပုံတင် ဝင်ရောက်စစ်ဆေးခဲ့ရာ (၁၁၆)ဦး အလုပ်သမားမှတ်ပုံတင်မရှိကြောင်း တွေ့ရှိပြီး ဖမ်းဆီးသွားကြောင်း တာနေရှင်းသတင်းစာက ဒီကနေ့ ဖော်ပြထားသည်။
စမွတ်စခွန်ခရိုင်တွင် လွန်ခဲ့သောလမှစ၍ အလုပ်သမားများအား ဖမ်းဆီးနေမှုများသည် နေ့စဉ်လိုလို ဖြစ်ပွားနေကြောင်း အလုပ်သမားများ၏ကျန်းမာရေးကို ကူညီပေးနေသူတစ်ဦးက ပြောကြားသည်။
လွန်ခဲ့သောလတွင်လည်း ထိုင်းရဲအင်အား(၇၀၀)ကျော်ဖြင့် စမွတ်စခွန်ခရိုင်ရှိ ငါးလုပ်ငန်းစက်ရုံများအတွင်း အလုပ်လုပ်ကိုင်နေကြသော မြန်မာနိုင်ငံသားအယောက် (၁၂၀၀)ကျော်ကို ဖမ်းဆီးခဲ့သည်။
ဆက်ဖတ်ရန်...
အကျဉ်းချုပ်...
ဒေါ်အောင်ဆန်းစုကြည်၏ ကြေငြာချက်သဘောထားကို ဆန့်ကျင်ပြီး စစ်အစိုးရ၏အမျိုးသားညီလာခံကို ထောက်ခံကြောင်း စစ်အစိုးရက အပစ်ရပ်အဖွဲ့များ၊ နိုင်ငံရေးအဖွဲ့အစည်းများကို လိုက်လံစည်းရုံးသဘောထားရယူပြီး ထုတ်ပြန်နေစေခြင်းကိစ္စရပ်အပေါ် မိမိတို့မွန်ပြည်သစ်ပါတီ၏ သဘောထား
